Daun Sindromlu uşaq sahibi ailələrin ən böyük düşməni məlumatsız olmalarıdır. Buna görə də "Daun Sindromu nədir?" sualına cavab verməyə çalışacağıq. Bunu edərkən işlədəcəyimiz bəzi terminlər sizə tanış olmasa da narahat olmayın.

Ən sadə ifadə ilə Daun Sindromu uşağınızın orqanizmindəki hüceyrələrin 46 yerinə artıq bir xromosoma, yəni 47 xromosoma sahib olmasıdır. Daun Sindromu bir xəstəlik deyil genetik bir fərqlilikdir.

İnsan orqanizmini təşkil edən hüceyrələrin nüvələri xromosomlarla birbirlərinə bağlanmış olan genlərdən ibarətdir. Həmin bu genlər və xromosomlar fizyoloji və şəxsiyyət quruluşumuzun ana ünsürləridir, dolayısıyla uşağınızın sahib olduğu artıq bir xromosom onun hayatını təsirləndirməkdədir. Xromosom anomaliyalarının çoxunda embrion inkişaf edə bilməz. Daun Sindromu embrionun öz inkişafını tamamlaya bildiyi bir haldır.

Uşağınızın fiziki görünüşü digər uşaqlardan bir az fərqli ola bilər, bəzi sağlamlıq problemləri ola bilər. Fəqət unutmayın ki, bəzi uşaqların sarı saçlı, bəzilərinin mavi gözlü olması kimi sizin uşağınızın da Daun Sindromlu olması bir genetik fərqlilikdir.

Daun Sindromu mövzusunda iki şey dəqiqdir. Birincisi, Daun Sindromunun qaynağı ana-ata deyildir və hamiləlik öncəsi və ya sırası olan hiç bir şey uşağın Daun Sindromlu doğmasına yol açmaz. İkincisi, digər uşaqlar kimi Daun Sindromlu uşaqların da özlərinə məxsus olan şəxsiyyətləri, qabiliyyətləri və düşüncələri vardır. Digər uşaqlar kimi onlar da fərqli xarakterə sahib bir fərd olaraq böyüyəcəklərdir.

Dünyanın hər yerində və bütün insan irqlərinda Daun Sindromu mövcuddur və zamanla ortaya çıxan bir hal deyildir. Daun Sindromlu insanların, insanlığın yaranmasından bəri var olduğu düşünülməkdədir. Dolayısıyla Daun Sindromunu həyatın təbii bir parçası olaraq qəbul etmək lazımdır.